8-наурыз Тәрбие сағаттары

Әсем әуен әйел деген ат қандай!?

Астарында алапат күн жатқандай.

Айсұлулар, Ақботалар …..Ақмаңдай,

Ажарынан алтын нұр –таң атқандай.

Күн нұрынан жандарына нәр алған,

Әйел-алау қызғалдақтай әр алуан.

Әйел-аққу айдындарда таранған,

Сұлулық пен нәзіктіктен жаралған.

Әйел-сыры таусылмайтын сыр еді,

Әйел-Ана тіршіліктің тірегі.

Ана, Ана! Ана жердің жүрегі,

Жүрегі жоқ қайтып өмір сүреді.

Ана – тіршіліктің қайнар көзі, махаббаттың шуақ күні, мейірімнің кәусар бұлағы – Ананы ардақтамайтын халық жоқ. Нәресте өмірінің нәрі –ана сүті. Халықтың рухы, жаны, тарихы, арман үміті болып табылатын тілдің де басқаша емес «ана тіл» деп аталуы тегін емес. Бұл – ұлттың тілі, ғұрып – салты, дәстүрі, тарихы, әдебиеті мен мәдениеті жас ұрпақ бойына ана сүтімен дариды деген сөз.
Жиенбет негізгі мектебінің "Бастау" бірлестігі мұғалімдері мен 1-4 сынып оқушыларымен
«Аналарды ардақтау асыл дәстүр!» тақырыбында іс-шара өткізілді.